З Днём Незалежнасці!
Паважаныя сябры!
Віншуем вас з Днём Незалежнасці Рэспублікі Беларусь і 75-й гадавінай вызвалення краіны ад нямецка-фашысцкіх захопнікаў! Гэты дзень з'яўляецца асновай нашага суверэнітэту, ён аб'ядноўвае ўсіх, хто ганарыцца Айчынай, верыць у яе годную будучыню і ўносіць свой уклад у развіццё роднага краю. У гэты дзень мы з удзячнасцю ўспамінаем пра неўміручы подзвіг франтавікоў, партызан, падпольшчыкаў, працаўнікоў тылу, якія ў гады суровых выпрабаванняў зрабілі ўсё магчымае і немагчымае для Перамогі. Сёння, 3 ліпеня, для кожнага беларуса - напамін пра тое, якой цаной былі заваяваны свабода і незалежнасць нашай дзяржавы. Нашы сучаснікі годна працягваюць традыцыі бацькоў і дзядоў. Сучасная Беларусь славіцца працай, творчым натхненнем людзей, якія жывуць на гэтай зямлі. Хай нашы справы і ў далейшым служаць высакароднай місіі ўмацавання беларускай дзяржаўнасці.
Шчыра жадаем вам, дарагія сябры, міру, шчасця, здароўя, жыццёвага натхнення, новых поспехаў. Хай заўсёды будзе чыстае мірнае неба над нашай роднай Беларуссю, спакой у сэрцах людзей і дабрабыт у дамах.
З Днём Рэспублікі!
