Плануемыя вынікі асваення выхаванцамі вучэбнай праграмы па адукацыйнай галіне "Развіццё маўлення і культура маўленчых зносін"
Плануемыя вынікі асваення выхаванцамі ад 5 да 7 гадоў вучэбнай праграмы дашкольнай адукацыі па адукацыйнай галіне «Развіццё маўлення і культура маўленчых зносін»
Выхаванец ад 5 да 6 гадоў
Называе словы – назвы прадметаў, якія акружаюць: цацак, вучэбных прылад (аловак, пэндзаль, сшытак), посуду, мэблі, адзення, хатніх рэчаў (гадзіннік, дыван, канапа), жывёл (вавёрка, трус, матылёк), садавіны і агародніны (цыбуля, бульба), іх колераў (ружовы, блакітны), якасцей (прыгожы, дужы, смачны, добры, дрэнны), дзеянняў (глядзець, бачыць, сустракаць, расці).
Называе словы рускай і беларускай моў, якія супадаюць або падобныя па вымаўленні, але маюць рознае лексічнае значэнне (неделя – нядзеля, диван – дыван).
Называе традыцыйныя беларускія формы імёнаў (Алесь, Уладзя, Ян, Янка, Таццянка, Кастусь, Аленка).
Называе формы ветлівасці на беларускай мове.
Правільна вымаўляе спецыфічна беларускія гукі: [дж], [дз’], [ц’].
Правільна вымаўляе фрыкатыўныя [г], [г’]; заўсёды цвёрдыя гукі [ч], [р], гукаспалучэнне [шч], ізалявана (у гукапераймальных словах), у словах і фразах; гук [ў] у словах і фразах.
Правільна вымаўляе словы з падоўжанымі зычнымі (калоссе, варэнне); выразна вымаўляе ненаціскныя галосныя.
Правільна вымаўляе рускія і беларускія словы, падобныя па гучанні (зверек – звярок, ночь – ноч).
Утварае словазлучэнні, правільна дапасоўваючы прыметнікі да некаторых назоўнікаў (доўгі цень, белае казляня, вясёлы гармонік).
Утварае і называе словы, якія абазначаюць прыналежнасць (ляльчын, татаў, Алесеў, цётчын).
Утварае і называе прыслоўі (уранку, узімку).
Утварае і называе словы, якія абазначаюць назвы маладых істот (мышаня, тыграня, жарабя).
Утварае і называе словы са значэннем адзінкавасці (бульба – бульбіна, морква – морквіна).
Ставіць пытанні з дапамогай часціц ці, хіба.
Называе прыназоўнікі, словазлучэнні з прыназоўнікамі у, да (у лес, да сябра), злучнік але.
Правільна ўжывае спецыфічна беларускія марфолага-сінтаксічныя звароты (баліць каму, хварэць на што, хадзіць у грыбы, у ягады, дзякаваць каму, смяяцца з каго).
Пераказвае кароткія казкі і апавяданні – як знаёмыя, так і ўпершыню пачутыя.
Апісвае сітуацыю, вырашае пэўную камунікатыўную задачу – просьба, распавяданне, тлумачэнне.
Выхаванец ад 6 да 7 гадоў
Называе словы рускай і беларускай моў, якія супадаюць або падобныя па вымаўленні, але маюць рознае лексічнае значэнне.
Ужывае ва ўласным маўленні некаторыя асаблівасці граматычнага ладу беларускага маўлення: адзіночны і множны лік асобных назоўнікаў; дапасаванне прыметнікаў да некаторых назоўнікаў; утварэнне некаторых склонавых форм назоўнікаў; прыналежныхпрыметнікаў; вышэйшай і найвышэйшай ступеней параўнання прыметнікаў; прыслоўяў (уранку, узімку).
Фармулюе пытанні з дапамогай часціц ці, хіба, ужывае ў мове прыназоўнікі у, да, словазлучэнні з гэтымі прыназоўнікамі.
Ужывае ва ўласным маўленні спецыфічна беларускія марфолага-сінтаксічныя звароты (баліць каму, хварэць на што, хадзіць у грыбы, у ягады, дзякаваць каму, смяяцца з каго).
Правільна вымаўляе спецыфічна беларускія гукі ў словах і фразах.
Пераказвае кароткія казкі і апавяданні.
Паважаныя бацькі, каб дасягнуть такіх вынікаў, мы павінны працаваць разам!
Размаўляйце часцей на беларускай мове!
